මෙම පහත වගුව මගින් ඔබට උපදින්නේ දුවෙක්ද? පුතෙක්ද? යන්න සොයාගත හැක..
Wednesday, January 28, 2015
උපන් දවසෙන් හෙලි කරන ජීවිත රහස්
තාරකා විද්‍යාව පිළිබඳව පර්යේෂණ පවත්වන විද්‍යාඥයන් පවසන්නේ සෞරග්‍රහ මණ්‌ඩලයේ ඇති ග්‍රහයින්ගේ බලපෑම්, ගෙවී යන සෑම කාල පරාසයක්‌ම ආවරණය වන බවයි. නවීන පරිගණක මගින් රැස්‌කර ඇති තාරක, පර්යේෂණ හා ග්‍රහ වාර්තාමය තොරතුරු මගින්ද, දවසේ ඇති ග්‍රහබල ශක්‌තිය මනාව පැහැදිලි වෙයි. ඔබ උපත ලැබූ දිනය ග්‍රහයන්ගේ නාමයෙන් හඳුන්වනුයේද එබැවිනි. මේ අයුරින් එක්‌ එක්‌ දිනයන්හි උපත ලැබු අයට ග්‍රහයන්ගේ බලපෑමෙන් ලැබෙන පලාපල විවිධාකාරය.මෙය ඒ පිළිබද කෙරෙන විග්‍රහයකි...
Wednesday, July 16, 2014
ඉතා වටිනා සර්ව ජන වශීයක්
ක්‍රමය
108 වර ඉගුරු මතුරා හපනු. දුටු සැනින් හිතේ ඇදේ. ඕනෑ කෙනෙකූ ප්‍රිය වෙයි.යහපත් ක්‍රියා සදහා පමණක් යොදා ගනු මැනවි.
මන්ත්‍රය:
නමෝ සිද්ධි - මහන්ථි තිහනත් ෂතිස්වත.
Saturday, February 22, 2014
සොරුන් අල්ලන පොල් ගෙඩියේ ගුරුකම
ඉතා ශුභ දිනක ශුභ මුහුර්තයකින් රං තැඹිලි පොල් ගෙඩියක්‌ පිරිසිදු කෙනෙකු ලවා බිම නොදමා අතින් කරකවා කඩා ගත යුතු වෙයි. ඉන් පසුව අංග සම්පූර්ණ කොට ගත් පංචෝපචාර මල් බුලත් තටුවක තැන්පත් කළ පොල් ගෙඩිය ලෙලිහැර කහ දියරෙන් සෝදා ගැනීම වැදගත් වෙයි. පූජා තටුව සූනියම් දේවතාවුන් වහන්සේ ප්‍රධාන දේව මණ්‌ඩලයට කැප කිරීම සුවිශේෂී කරුණකි. සන්ධ්‍යා සමයෙහි වෘක්ෂ මූලයක අබියස ජීවම ආරම්භය ද ප්‍රතිඵලයන් තිරසාරව ලැබීමෙහිලා ගුරු මුෂ්ඨ§යයි. මහාd නවනීල දෘෂ්ඨ§යෙන් 108 වරක්‌ ජීවම් වියයුතු අතර දිෂ්ඨ§ප්‍රාණ ජීවම් පලිප්පු පුටු සිද්ධිය ද ප්‍රවීණ ගුප්ත විද්‍යාධරයකුගෙන් සිදුවීම වැදගත් වෙන්නකි.
පසු දින පොලය ලෑල්ලක්‌ මත තබා එහි මතුපිටට කෙනකු නංවා වටේට අවිශ්වාස කටයුතු උදවියගේ නම් ලියා දුම්මල දුම් දෙමින් ජීවමෙන් මතුරා වමට දකුණට කැරකෙන සේ ආයාචනා කරන්න. එවිට පොල් ගෙඩිය වමට දකුණට කැරකෙයි. සත්‍ය වශයෙන් පොල් ගෙඩිය සොරුගේ නමටම කැරකී සිටියි. ඉපැරැණි ගැමියන් රෝගාබාධකයන් පිළිබඳව ද සොර සතුරන් සහ දිනුම් පරාද පිළිබඳව ද මේ අයුqරු දැන ගන්නා ලදී.
මෙදා ළමා අපචාර, ස්‌ත්‍රී දූෂණ, අනියම් සබඳතා, කුරිරු ඝාතන, පොදු මහජන දේපළ ගසාකෑම්, ආදී අනේකවිධ දහසකුත් ප්‍රශ්න ගැටලු නිරාකරණය කරගත හැකි අනභිබවනීය වූ අවස්‌ථා සඳහා මෙවැන්න මාහැඟි ප්‍රශස්‌ත ක්‍රමවේදයකි.
පුද පූජා සඳහා
ලේ, රීරි, අඳුන්, සඳුන්, ඇට ඇටි, ගොටුව බැගින් ද දිය ගොඩ මස්‌, දැල්වු පහනක්‌, බිත්තර බැදපු, තම්බපු දැ සියල්ල පාහේ පුද තටුවකට තබා ගන්න.
මහානවනීල දිෂ්ඨ§ය මෙන්න
ඕං ඉන්දර වඩිග නවනීල දිෂ්ඨ§ වාරුම්වාවා නීල වඩිග නාරායනෙ - ක්‍රේම සූනියන් - මුළු දිෂ්ඨ§ වාරම් වාවා. ආතාලා දිෂ්ඨ§ පාතාල දිෂ්ඨ§ ශ්‍රී විෂ්ණු දිෂ්ඨ§, කන්ද කුමාර දිෂ්ඨ§, ඔඩ්ඩි රූඪ මණි මකුට - වෛරෝඩි දිෂ්ඨ§ වරෙන් ඉර සඳ පලාගෙන වරෙන්, මහමෙර දෙබෑ කරගෙන වරෙන්, මහ මුහුද සලිත කරගෙන වරෙන්, සක්‌වල වෙවුල්ලාගෙන වරෙන්, විල් හතේ නොසිට වරෙන්, කෛලාසන යුගන්ධර සප්ත සමන්තකූට පර්වතේ නොසිට වරෙන් පොත් ගුල් හතරේ නිධන් යතුරු හිර ඉගිලගෙන වරෙන්, විස ගිනි ධූමකේතු මාලාවෙන් වරෙන්, සොහොන් කටුවෙන් වරෙන් ඔඩ්ඩි කටුවෙන් වරෙන්, මදන කටුවෙන් වරෙන් දිෂ්ටි දිෂ්ටි මෙමා දුන් මල් පහන් දොළ බිලි කැපකරගෙන, මෙමා කී දේ බලා ගනින්, යාලුවේ වරෙන්. රීරි කුමාරයා වරෙන්, තුන් බිල්ලේ මල සොහොන් යක්‍ෂණී වරෙන්, විකාර මදන පිල්ලි කුමාරි වරෙන්, රතිකාම මල්මදන මෝහිනී මුළු සූනියල් පලප්පු දිෂ්ඨ§ නීලරාම දිෂ්ටි. දැඩිමුණ්‌ඩ දේවසැර දිෂ්ටි. දේවසැර දිෂ්ටි, දෙවොල් සමයන් භූත කුරුම්බර දිෂ්ඨ§ ඔඩ්ඩි කුමාර සිවරාම දිෂ්ටි දිෂ්ටි ඒස්‌වාහඃ - (108 වරයි)
පොලය කැරකවීමේ ජීවම
ඕං ගිනි සැරෙන් ස්‌වාහඃ - ඕං නමෝ වරවර
ඕං නමඃ - ඕං ගිඩි ගිඩි ඉගිලි ඉගිලි ඒස්‌වාහඃ - (108 වරයි.)
අපල දුරු කරගන්න නිවසේදීම නවග්‍රහ පූජාවක්‌ කර ගන්නා ආකාරය
ඕනෑම කෙනෙකු වෙත බලපාන්නා වූ ග්‍රහඅපල දුරු කරගත හැකි උසස්‌ම ශාන්තිකර්මය ලෙස නවග්‍රහ පූජාව පෙන්වාදිය හැකිය. අපලකාරී තත්ත්වයන් නිසා විවිධ කරදර බාධකවලට මැදිව දුක්‌ත ජීවිත ගතකරනවා වෙනුවට තම තමන් කෙරේ එල්ලවන අපල ග්‍රහදොස්‌ හඳුනාගෙන ඒවා දුරුකර ගනිමින් සහනයෙන් ජීවත්වීමට යොමුවීම බුද්ධිමත් ක්‍රියාවකි. ඒ සඳහා ඔබ කෙම්මුර දිනයන්හි යොමුවන්න.
අදාළ පූජාව පැවැත්වීමට සුදුසුම ස්‌ථානය ඔබේ නිවසේ බුදුන් වඳින ස්‌ථානය වේ. පළමුවෙන්ම ඉහත කී වේලාවට පවුලේ සියලු දෙනා එක්‌ව බුදුරජාණන් වහන්සේ වෙනුවෙන් කිරි ආහාර හා පැන් බඳුනක්‌ පූජා කරන්න. අනතුරුව තිසරණ සහිත පංචශීලය සමාදන්ව ත්‍රිවිධරත්නය වැඳ නමස්‌කාර කර මල්, පහන් සුවඳ දුම් නියමිත ගාථා කියා පූජා කිරීමෙන් පසු සෙත් පිරිත් ගායනා කර "ආකාසට්‌ඨාච භුම්මට්‌ඨා" යන ගාථාව පමණක් කියා දෙවියන්ට පිං අනුමෝදන් කරන්න.
පවුලේ සියලු දෙනාටම බලපාන්නාවූ නවග්‍රහ දෝෂ දුරුකර ගැනීම සඳහා පහත සඳහන් නවග්‍රහ පූජාව නිසි ලෙස සිදුකරන්න. ඒ සඳහා බුදුන් වඳින ස්‌ථානයේම මදක්‌ පහලින් අසුනක්‌ පිළියෙල කර ඒ මත නවග්‍රහයන් නවදෙනා වහන්සේලාගේ පිංතූරයක්‌ තබා ඒ ඉදිරිපිට බුලත් කොළ නවයක්‌ මත රවි ග්‍රහයාගේ සිට කේතු ග්‍රහයා දක්‌වා පිළිවෙළින් නියමිත තෙල් වර්ගයෙන් පහන් දල්වා මල් සුවඳ දුම් පූජා කර එක්‌ එක්‌ ග්‍රහ දෝෂය දුරුකර ගැනීමට භාවිතා කළ හැකි පිරිත හා නවග්‍රහ ශාන්තියේ අදාළ කවිය සජ්ජායනා කර තමාටත් පවුලේ සියලු දෙනාටත් එල්ල වී ඇති යම් අපලකාරී තත්ත්වයක්‌ ඇත්නම් ඒවා දුරුකර සහනය උදාකර දෙන මෙන් ඉල්ලා සෙත ප්‍රාර්ථනා කරන්න.
* රවි ග්‍රහයා වෙනුවෙන් තැඹිලි තෙල් පහනක්‌ දල්වා රතු නෙලුම් හෝ රතු අරලිය සමග සුවඳ දුම් පූජා කරන්න. සූරිය පිරිත සමග පහත දී ඇති නවග්‍රහ ශාන්ති කවිය සඡ්Cධායනා කරන්න.
අරුණ වේලෙහි බුදුව මුණි අපේ දහම් දෙසු ජය මංගලම්
දරුණු වසවතු ධර්ම බලයෙන් දුරුකරපු ජය මංගලම්
වරුණ පරසතු මදාරා මල් අට මිටක්‌ පිදු ජය මංගලම්
ඉරුගෙ අපලේ එමුණි බලයෙන් දුරුවේය ජය මංගලම්
* සඳු ග්‍රහයා වෙනුවෙන් ගිතෙල් පහනක්‌ දල්වා සුදු නෙලුම් හෝ සමන්පිච්ච මල් පූජා කර චන්ද පිරිත සමග සඳු ග්‍රහයාට අයත් කවිය සජ්ජායනා කරන්න.
පිදුව දෙදරුන් දෙඅත් බැඳ බමුණාට වෙසතුරු මංගලම්
සඳුගෙ විමනේ එමුණි වරුණේ ඇන්ද සඳ මැද මංගලම්
ඉඳුව යහනක යසෝදර සම මහණ වුණ ජය මංගලම්
සඳුගෙ අපලේ එමුණි බලයෙන් දුරුවේය ජය මංගලම්
* කුජ ග්‍රහයා වෙනුවෙන් පස්‌ තෙල් පහනක්‌ දල්වා රතු කනේරු මල් පූජා කර දසදිසා පිරිත සමග කුජ ග්‍රහයාට අයත් කවිය සඡ්Cධායනා කරන්න.
දඟරලා සිටි නාග රජු පිට වැඩ සිටිය ජය මංගලම්
සඟද සැරියුත් දැග සව්වන් වීරමැරු ජය මංගලම්
සඟද දෙදෙනා පන්සියක්‌ රහතුන් සමග වැඩි ජය මංගලම්
කුජගෙ අපලේ එමුණි බලයෙන් දුරුවේය ජය මංගලම්
* බුධ ග්‍රහයා වෙනුවෙන් කොහොඹ තෙල් පහනක්‌ දල්වා නා මල් පූජා කර දසදිසා පිරිත සමග බුධ ග්‍රහයාට අයත් කවිය සජ්ජායනා කරන්න.
ඉඳන් ඔත්පල දෙනෙත් නැති මව්පියන් රැකි ජය මංගලම්
අදහසින් දැඩි කරපු මව්පිය දුක්‌ නොදුන් ජය මංගලම්
මුනිඳු ගජ ගිරිමේඛලා ඇතු දැපනෙ කළ ජය මංගලම්
බුධගෙ අපලේ එමුණි බලයෙන් දුරුවේය ජය මංගලම්
* ගුරු ග්‍රහයා වෙනුවෙන් රන් තැඹිලි තෙල් පහනක්‌ දල්වා බෙලි මල් හෝ කහ පැහැති මල් පූජා කර අභිසම්භිදාන පිරිත සමග ගුරු ග්‍රහයාට අයත් කවිය සජ්ජායනා කරන්න.
රහස් උමගය කැප්පු මහෞෂධ පඬි ජය මංගලම්
දහස්‌ සියයක්‌ සෙනග එනුවර යුදෙන් ගැලවුණ මංගලම්
දහස්‌ ශ්‍රාවක පාලි ධර්මය නිපුන කළ ජය මංගලම්
ගුරුගෙ අපලේ එමුණි ලෙයෙන් දුරුවේය ජය මංගලම්
* සිකුරු ග්‍රහයා වෙනුවෙන් පස්‌ තෙල් පහනක්‌ දල්වා විසිතුරු වර්ණයෙන් යුත් සුවඳ මල් වර්ග පූජා කර ධජග්ග පිරිත සමග සිකුරු ග්‍රහයාට අයත් කවිය සජ්ජායනා කරන්න.
අකුරු ධර්මය ලොවට පූජිත කරපු ජයසිරි මංගලම්
අකුරු නිපුනව එසිව්සැට ශිල්පයක්‌ දැරු ජය මංගලම්
අකුරු පළමුව මැවූ මුණිඳුගෙ බෙලෙන් වෙයි ජය මංගලම්
සිකුරු අපලේ එමුණි බලයෙන් දුරුවේය ජය මංගලම්
* සෙනසුරු ග්‍රහයා වෙනුවෙන් ගිතෙල් පහනක්‌ දල්වා නිල් කටරොලු මල් පූජා කර කරණීය මෙත්ත සූත්‍රය සමග සෙනසුරු ග්‍රහයාට අයත් කවිය සජ්ජායනා කරන්න.
වෙන කෙනෙක්‌ නැත යුධ කරන්නට පත්‍ර ලෙලදුන් ජය මංගලම්
වෙන කෙනෙක්‌ මට නැතැයි කියමින් දසපෙරුම් පෑමංගලම්
සෙනෙහසින් හඬ තැලූ මරසෙන් දස අතට හැරි ජය මංගලම්
සෙනසුරුගෙ අපලේ එමුණි බලයෙන් දුරුවේය ජය මංගලම්
* රාහු ග්‍රහයා වෙනුවෙන් පස්‌තෙල් පහනක්‌ දල්වා වැටකේ මල් පූජා කර ඛන්ද පිරිත සමග රාහු ග්‍රහයාට අයත් කවිය සජ්ජායනා කරන්න.
හදවත් ආපසු නොගත් ශ්‍රී පාද නිකමෙව් ජය මංගලම්
රාහු අසිරිඳු එබල රජු මේ ලොවට වැඩමෙව් ජය මංගලම්
රාහුලත් කුමරුන් කෙනෙක්‌ වත් ඇතැයි නොසිතු ජය මංගලම්
රාහු අපලේ එමුණි බලයෙන් දුරුවේය ජය මංගලම්
* කේතු ග්‍රහයා වෙනුවෙන් ගිතෙල් පහනක්‌ දල්වා පුවක්‌ මල් පූජා කර චන්ද පිරිත සමග කේතු ග්‍රහයාට අයත් කවිය සජ්ජායනා කරන්න.
ධාතු දාගැබ් වෙහෙර මහියංගනයෙ පිහිටෙව් ජය මංගලම්
ධාතු නාලොව නාරජුන් ගොස්‌ පිරික්‌සූ ජය මංගලම්
ධාතු දළදා තුනුරුවන්ගේ බෙලෙන් වෙයි ජය මංගලම්
කේතු අපලේ එමුණි බලයෙන් දුරුවේය ජය මංගලම්
එලෙස ග්‍රහයන් නවදෙනා වෙනුවෙන්ම පූජා තැබීමෙන් අනතුරුව මෙලෙස ප්‍රාර්ථනා කරන්න.
"අද දින අප විසින් ශ්‍රද්ධා සිතින් යුතුව සිදුකරන ලද නවග්‍රහ පූජාවේ සත්‍යානුභාව බලයෙන් අප සියලු දෙනාටම මෙතෙක්‌ පීඩා ගෙන දුන් රවි, චන්ද්‍ර, කුජ, බුධ, ගුරු, සිකුරු, ශනි, රාහු කේතු යන නවග්‍රහයින්ගෙන් පැමිණි සියලු අපල, පීඩා, දෝෂ අද පටන් හිරු දුටු පිනි මෙන් දූරින්භූත කරවා අපගේ සියලු අභිමතාර්ථ මොහොතින් මොහොතට පැයෙන් පැයට දිනෙන් දිනට ඉෂ්ඨ කරදී අපගේ දියුණුව සලසා දෙනසේක්‌වා·"
මෙලෙස සිත එක අරමුණක තබාගෙන අධිෂ්ඨාන පූර්වකව ශීලයත් සමාධියත් ප්‍රඥවත් පෙරදැරිව මසකට වරක්‌වත් ශ්‍රද්ධා සිතින් යුතුව මෙවැනි නවග්‍රහ පූජාවක්‌ පැවැත්වීමෙන් සියලු අපල දුරුවීමේ භාග්‍යය ඔබට හිමිවනු ඇත.
උපුටා ගැනීම ඉරිදා දිවඉන
Saturday, January 25, 2014
මතක ශක්‌තිය වැඩි වන්න ඉතා දුර්ලභ අති ශ්‍රේෂ්ඨ සරස්‌වතී බන්ධන මන්ත්‍ර රාජයා
.jpg)
විභාගයකින් සමත්වීම යනු ඔබේ සිත විසින් මෙහෙයවනු ලැබ මනෝමය ක්‍රියාවලියක ප්‍රතිඵලයකි. ඔබේ හිතේ එය නොමවන ලද්දේ නම් ඔබ විභාගයෙන් සමත් වීමක්‌ සිදු නොවේ. මිනිසා විසින් මවන ලද ලෝකයත්, යාන, වාහන, යන්ත්‍ර සූත්‍ර, විද්‍යාශාස්‌ත්‍ර, කලා ශිල්ප හා හඳට පෘතැබීම සඳහා නිපද වූ රොකට්‌ යානා පවා බිහි වුණේ මිනිසාගේ සිත තුළින්ම බව පරම සත්‍යයකි. නමුත් සමහරු සිතට කිසිම වැදගත්කමක්‌ නොදී බාහිර කය සහ බාහිර ආටෝපය වැදගත් ලෙස සලකා ක්‍රියා කරමින් එයින් ප්‍රයෝජනයක්‌ නොගනී.
සිත ස්‌වභාවයෙන්ම ප්‍රභාෂ්වරය, බැබළෙන බවත් පැහැදිලි බවත් එහි මූලික ස්‌වභාවයයි. ඒ වගේම එය පහසුවෙන් කිලිටි වේ. ඔපයද අඩු වේ. ඒ නිසා එය කිළිටි වන්නට ඉඩ නොදී ඒ ගැන නිතර නිතර සෝදිසියෙන් සිටියොත් එහි වටිනාකමත්, ශක්‌තියක්‌ කියා නිම කළ නොහැකිය. තාපය, වායුව, විද්යුතය වැනි බලවේගවලට වඩා ඉහළින් සිත වේගවත්ව ක්‍රියා කරයි.
යම් කිසි ද්‍රව්‍යයක හෝ පදාර්ථයක ඇති ශක්‌තිය විසිර යැමේදී අඩුවීමත් ඒකරාශී වන විට රැස්‌වීමත් සිදු වේ. තනි පොල් ඉරටුකුරක්‌ අපට පහසුවෙන් කැඩීමට පුළුවන. නමුත් ඉරටු රාශියක්‌ එකට මිටිකර ගතහොත් එය අපට කඩන්නට අපහසු වන්නා වගේම සිතද විසිර ගියවිට ශක්‌තිය අඩුවේ. එකඟ කරගතහොත් ප්‍රබලව බලවත් වේ. පිරිසිදු කළවිට බැබළේ, ලෙළදේ. සන්සුන් වූ විට පැහැදිළිය. කුණු, කිළිටි, මලකඩ හැරැ සිත එකඟ කරගතහොත් විශාල බලයක්‌ ධාරණ ශක්‌තියක්‌ ඇති වී ඔබ කියවන පොතපතින් උගන්වන දේ හිත තුළ ඒකරාශි තරගතහොත්, පොත පත කියවා ගැඹුර සොයා යන්නේ නම් ඔබට විභාගයෙන් සමත්වීම එතරම් අපහසු කාර්යයක්‌ නොවේ.
අපේ මගේ ලොව්තුරු බුදු රජාණන් වහන්සේ දේශනා කළ මේ ගාථාපාඨයෙහි අර්ථය දෙස බලන විට "ලෝකයේ මෙතෙක්‌ පහළ වූ සියලුම චිත්ත ධර්ම විද්‍යාවන්" මනෝ පුබ්බං ගමා ධම්මා - මනෝ සෙට්‌ඨා මනෝමයා" යන සරළ ගාථාවෙන් පිඬුකොට දක්‌වා ඇත.
එනිසා ශිල්පය හදාරන ඔබගේ හිත ඒකරාශි කොට ධාරණ ශක්‌තිය සිත තුළට කිදා බැහීමට ඉපැරැණි මන්ත්‍රවේදීන් භාවිතා කළ ඉතා දුර්ලභ අති ශ්‍රේෂ්ඨ සරස්‌වතී බන්ධන මන්ත්‍ර රාජයා පැරණි පුස්‌කොළ පතින් උපුටා පළ නෙළාගත් ජය ගත් මන්ත්‍රයක්‌ මෙසේය.
මන්ත්‍රය
ඕං ශ්‍රී්‍රං ශ්‍රීං අස්‌වාහ අමරගුරු රත මයුරාසනේ බල දැරූ ශ්‍රියා කාන්තාව දෙදෙව් ලොවට අධිපති ශක්‍ර දිව්‍යරාජයින්නේ දිව්‍ය පරසතු මල් උයනේ පරසතු මල් නෙළා මල් යහනාවක්‌ කර අතුරුවා දස දහසක්‌ දිව්‍ය සළු එලා මල් මාලා පැළඳ රන් ඔත් මාලිගා සමග ශක්‍ර දිව්‍ය රාජයා අප ගෞතම බුදුරජාණන් වහන්සේට පාණ්‌ඩුකම්බල සෛලාසනේ පිදූ දාමේ දිව්‍ය දේවතාවී යහනාව පූජාකර චන්ද්‍රමණ්‌ඩලයට වැඩ සිට සුවඳ මල් විමාන දේවාල රාජභවන විහාර මාලිගා බලා වාස භවන ලත් ශ්‍රියාකාන්තාවී වා වා දේව ශ්‍රී කාලී එන් එන් මාගේ සුවඳ මල් අස්‌නට සරස්‌වතී දිව්‍ය දේවතාවී එන් එන් සුවඳ මල් පහන් කෙරේ දිෂ්ඨිලා මාගේ බන්ධනයට අසුව මම සිතූ දේ සිද්ධ කර දෙන්න මම යන ගමන දිනවා දෙන්න කුහේරපුර වෛශ්‍රවන දිව්‍ය රාජයින් අනින් බැන්දේන් ශ්‍රී ලෝකාග්‍ර මුනිවරයින් අනින් බැන්දේන් තවද වෘක්ෂ දේවාල හිමාල දොරටු අදිපති දෙවියන් අනින් බැන්දේන් රවි චන්ද්‍ර කුජ බුධ ගුරු ශුක්‍ර ශනි රාහු කෙහෙතුයි යන නව ග්‍රහ දෙවියන් අනින් බැන්දේන් ශ්‍රීකාන්තාවි පත්‍රකාලී පිය රූපි සර්වලෝක නායකකී දේව සිරි කාලි ගණදේවී සරස්‌වතී වරදේවී සිව් සැටක්‌ ශිල්ප ධාරණේ වර දේවී නමෝ නමඃ ඕං අංගුලිමාලි මහා පෝරිසාද දැහනේ ශ්‍රීං ශ්‍රීං ශ්‍රී මුඛ සලිත දේවතාවියේ මුඛය සලිතවී දිවතුලට හිතට ප්‍රාණ දිෂ්ඨි සරස්‌වතී දේවසිරි කාලිවර වර නමඃ
(මෙහි මම, මගේ යන තැත්වලට අනුන්ට කරදෙන විට ඔහුගේ නියම නමට මතුරා දෙන්න)
ක්‍රමය
මෙයින් නිසිපල නෙළා ගැනීමට නම් පිරිසිදු පැන් කළයක්‌ හත් වරක්‌ පෙරා මල් අසුනක තබා, රන්තැඹිලි තෙල්, නෙලුම් රේණු, ඇට මද, අල, සුදු හඳුන්, බැමිකීරිය, ෙත්‍රෙයිලෝක්‍ය විජය පත්‍රම්, නෙලුම් පත්‍ර කබලේ රන්වන් පාටවනතෙක්‌ බැද රසදියෙන් අඹරා අව්වේ සිඳුවා තඹ, පිත්තල බඳුනක තබා එම අසුනේම තබා ඉතා පිරිසිදුව සරස්‌වති ස්‌තෝත්‍ර කියා පිංදී ඉහත මන්ත්‍රයෙන් 1008 වරක්‌ ජපකොට පැන් ටික ටික දින 21 ක්‌ උදේ හිස්‌ බඩ බොන්න. ඉන් පසු ඔබ පාඩම් කරන විට ජපකරගත් "සරස්‌වතී බන්ධන තෙල්වලින් අශ්ව මයිලක්‌ නැතහොත් නෙලුම් රේණුවක්‌ ගෙන බහා දිව ගා පාඩම් කරන්න. දේශනා අහන්න. ඔබ අදහන දේත් ඔබ පොත පතින් ලබන දැනුමත් සිත තුළට ධාරණයවී ඔබේ හිස තුළ ඇති ගබඩාවෙහි තැන්පත්වී ගුප්ත මහ වාසලක්‌ වී එයින් ඔබට අනාගත ලෝකයේ සුන්දර විමන හමු වේ·
සිත කෙනකු සතුවූ - යෙද වුව හොතින් නිsසි මග,
ඒ බලය පරදන - යමක්‌ මේ ලොව තුලේ නැත්මැයි·
සිතේ බලවේගය - වැදී මහ කඳු සමතලා වේ,
මේ බව සැබෑ බව - zඇටම්Z වේගය ලොවට පෙන්වයි.
සිතෙහි බලවේගය - ලෝකය රද කරණුවේ··
2014 නව වසරට සදහම් ඔවදනක්‌...
2014 වර්ෂයේ පළමු මාසයේ අවසන් දවස් කිහිපයේ පල කරන මෙම සදහම් ඔවදන.... ව්‍යවහාරික වර්ෂයෙන් එක්‌ වර්ෂයක්‌ ගෙවී නව වර්ෂයක්‌ උදාවෙලා. ඒ කියන්නේ 2014 වර්ෂය උදාවෙලා. වෙනත් වචනවලින් කියනවා නම් අවුරුද්දකින් වයසට ගිහිල්ල. මරණයට ළඟාවෙලා. අපිට මේ වර්ෂයේ උදාව විවිධ දෘෂ්ටි කෝණවලින් බලන්න පුළුවන්. නමුත් මේ ලෝකයේ ඉන්න බොහෝ දෙනෙක්‌ මේ දෙස බලන්නේ මේ විදිහේ ලෞකික දෘෂ්ටිකෝණයකින්. තව තවත් කාම සම්පත් ලබන්න. පංචකාමය තුළ ගිලා බසින්න. මමත්වය හුවා දක්‌වාගන්න. ධන කාමයෙන් මත් වෙන්න. බල කාමයෙන් මත්වෙන්න. රූප මදයෙන් මත්වෙන්න. ජනප්‍රියත්වයෙන් මත්වෙන්න. අන් අයට ගිනි ගෙඩි දෙන්න. තමාගේ සුබසිද්ධිය පතාගෙන රට, ජාතිය, ආගම, පාවා දෙන්න. අන් අයට මොන තරම් බාධා වුණත් තමාගේ වැඩේම කර ගන්න. කොතරම් අයුක්‌ති සහගත ලෙස හරි බඩගෝස්‌තරවාදීව, ධන තෘෂ්ණාවෙන් මුදල් හම්බ කරන්න. ඒ කියන්නේ ආධාර්මික විදියට ධනය හම්බ කරන්න. අනිත් අයව යටපත් කරගෙන කෙතරම් නුසුදුසුකම් තියාගෙන හරි තනතුරු නම්බුනාම ලබන්න.
මේ ආකාරයෙන් කටයුතු කිරීම මේ වර්ෂයේදී දිගටම කරගෙන යැම ධර්මානුකූව කොතරම් ගැළපෙනවාද කියල අපි විවරණය කර බැලිය යුතුයි. බැරිවෙලාවත් අපි අධර්මානුකූලව ජීවත්වුණොත් අපි මේ ජීවිතය පරිහානියට පත්කර ගත්තා වෙනවා. පරලොව ජීවිතයත් අනිවාර්යයෙන්ම දුගතිගාමී කරගන්න වෙනවා. ඒ නිසා අපි කළ යුත්තේ මුලදීම අපේ ජීවිතය යහපත් කර ගැනීම සඳහා සැලසුම් කර ගැනීමයි.
බුදුරජාණන් වහන්සේ අපිට දෙශ්නා කළා පියවර තුනක්‌ ගැන. ඒ තමයි ශීල, සමාධි සහ ප්‍රඥ. ඔබ පසුගිය වසරේ හොඳින් ශීලය ආරක්ෂා කළාද යන්න කල්පනා කර බලන්න. බොහෝදුරට පංචශීලවත් රැකගැනීමට ඔබට හැකියාවක්‌ නොලැබෙන්න ඇති. ඔබ පන්සිල් පද පහ ආරක්ෂා කර ගැනීමට අධිෂ්ඨාන කරගන්න ඕන. පංචශීලය රැකීය හැමදාම අහන්න ලැබෙන්න යෑයි ඔබට හිතෙන්න පුලුවන්. ඒ වුනත් අපිට ඒකෙන් ලැබෙන ආනිසංශය බැලිය යුතුයි. රහතන් වහන්සේලා සියනමකට දෙන දානයට පිං සිද්දවෙනවා. පසේ බුදුරජාණන් වහන්සේලා සියනමකට දෙනදානයට ඊට වඩා පිංසිද්ධවෙනවා. ලොව්තුරා බුදුරජාණන් වහන්සේට දෙන දානය ඊටත් වඩා පිංසිද්ධවෙනවා. ඔබ පංචශීලය අරක්‌ෂා කරගත්තොත් මේ වගේ විශා පිනක්‌ ලබාගන්න පුළුවන් වෙනවා.
පොහෝ දිනවලදී නිවාඩු දාල අටසිල් සමාදන් විය යුතුයි. බොහෝ විට අපි කරන්නේ නිවාඩු දිනවල පාඩිදාන එක, විනෝද ගමන් යන එක වැනි දේවල්. ඒ වුණත් කවුද නිවාඩුදාලා සිල සමාදන් වෙන්නෙ. නමුත් අපේ මරණය කොයි මොහොතේ සිදුවෙයිද කියා කාටවත් කියන්න බැහැ. සමහරු පොහෝ දිනයට සිල් සමාදන් වෙන්නෙ හතරහන්දි පණ නැතිව ගියාම. එතෙක්‌ නට නට, ගය ගය, වය වය කාලය ගත කරනවා. සමහරු මැරෙනකම් හතරමායිම් පරිස්‌සම් කරමින් ඉන්නවා. ලෞකික ජීවිත ගතකරද්දී ගේ-දොර, ඉඩ-කඩම් ආදිය අවශ්‍යයි. නමුත් අපි ඒ පසුපසම වැටී සිටියොත් පිනක්‌ කර ගැනීමට තිබෙන අවස්‌ථාව නැතිවෙනවා. ඒ නිසා කොහොම හරි පන්සිල්, අටසිල්, දසසිල් සැබෑ ලෙස ආරක්ෂා කිරීම පටන් ගන්න ඕන.
ඊට පසු සමාධිය වැඩීම ආරම්භ කළ යුතුයි. සමාධිය කියන්නේ භාවනා කිරීම. සිත එක අරමුණකට ගෙන ඒමට උත්සාහ කිරීම. ඒ සඳහා අපි හැකි පමණින් පහසු භාවනා ක්‍රම ආරම්භ කරන්න ඕන. එකක්‌ තමයි මෛත්‍රී භාවනාව. ඒ වගේම ආනාපානසති භාවනාව. ඒ වගේම ධාතුමනසිකාර භාවනවා. අනිත්‍ය ආයතන භාවනාව. සමහර අය භාවනා කිරීම ගැන පැවැසූ විට භය වෙනවා. ඇතැම් අයට වේලාවක නැති බව කියමින් ලතවෙනවා. නමුත් අපි ඔබ භාවනා අරමුණු ගැන ටික ටික කල්පනා කරන්න ගත්තොත් ඒකෙන් කෙරෙන්නේ භාවනාව සිදුකිරීමයි. එනිසා ඔබ දැනට භාවනා නොකරනවා නම් භාවනා කිරීම ආරම්භ කළ යුතුයි. කාලයක්‌ ගිය විට අපිට භාවනාව ගැඹුරට දියුණු කරන්න ලැබෙනවා. එවිට චිත්ත සමාධිය ඇතිවෙනවා.
මේ සියලු කටයුතුවලින් අපි බලාපොරොත්තු වෙන්නෙ ප්‍රඥව දියුණු කර ගැනීම. ඒ නිසා අපි අනිත්‍ය දේ අනිත්‍ය වශයෙන් දකින කෙනෙක්‌ බවට පත්විය යුතුයි. දුක දුක වශයෙන් දකින කෙනෙක්‌ බවට පත්විය යුතුයි. අනාත්මය අනාත්මය වශයෙන් දකින් අයෙක්‌ බවට පත්විය යුතුයි. එවිට අපිට ලෝක යථාර්ථය තේරුම්ගැනීමට හැකියි. ඒ නිසා මේ වර්ෂය තුළ නිවැරැදි දැක්‌මකින් ආධ්‍යාත්මික සුවපත්භාවයකට කටයුතු කළ යුතුයි.
ඒ වගේම අප තුළ සාමාන්‍ය ජීවිතයේදී තිබෙන ඉරිසියාව, කෝධය, මානය, ගැටෙන ගතිය, එකට එක කිරීම, පළිගැනීම අඩු කර යහපත් ලෙස ජීවත්වීමට අධිෂ්ඨාන කර ගත යුතුයි. එමෙන්ම මෛත්‍රිය, කරුණාව, පරෝපකාරය, අනුන්ගේ සිත් නොතැලීම, අනුන්ට අවහිර නොකිරීම, සියලු දෙනාට ගරු කිරීම වැනි ගුණධර්ම දියුණු කරගත යුතුයි. ඔබ සියලු දෙනාට මේ වර්ෂය යහපත් ලෙස ගත කරන්න තෙරුවන් බෙලෙන් වාසනාව උදාවේවා.
උපුටා ගැනීම : දිවඉන පත්‍රය
Tuesday, December 31, 2013
මිහිඳු මාහිමියන් ලක්‌දිවට වැඩම කළේ සෘද්ධියෙන් ද? ගොඩබිමෙන්ද?
මිහිඳු මාහිමියන් ලක්‌දිවට වැඩම කළේ අවන්ති රට වේදිස නගරයේ සිටය. උඡ්ජයිනියට නැගෙනහිරින් පිහිටා තිබූ වේදිස නගරය වර්තමානයෙහි මධ්‍ය ප්‍රදේශ් ප්‍රාන්තයේ රෙසෙන් දිස්‌ත්‍රික්‌කයේ බිල්සා නගරය (බේස්‌ නගර්) ලෙස හඳුනාගෙන තිබේ. බෙත්වා හා බේස්‌ යන ගංගා දෙක එක්‌වන ස්‌ථානයේ පිහිටි මෙම භූමිය අද හින්දූන්ගේ පුණ්‍ය තීර්ථයකි. එහෙයින් ලක්‌දිව බුද්ධාගමෙහි මාතෘ භූමිය අවන්තියේ වේදිස නුවර යෑයි කිවහොත් එහි කිසිදු වරදක්‌ නො මැත.
පාටලීපුත්‍ර නගරයෙන් පිටත් වූ මිහිඳු මාහිමියන් හය මසක්‌ තිස්‌සේ දක්‍ෂිණගිරියෙහි සැරිසරමින් ඥතීන්ට අර්ථයෙන් ධර්මයෙන් සංග්‍රහ කළ බව සඳහන් වේ. එතනින් වේදිස නුරවට වැඩමවා මව්තුමියට දහම් දෙසා ඇය සෝවාන් ඵලයෙහි පිහිටුවනු ලැබූ බවත්, වේදිසගිරි විහාරයෙහි මාසයක පමණ කාලයක්‌ වැඩසිටි බවත් සඳහන් ය. උන්වහන්සේ ලක්‌දිවට වැඩම කළේ අශෝක රජුගේ රාජ්‍ය වර්ෂයෙන් 18 වැන්නෙහිය යෑයි බොහෝ වංසකථාවල සඳහන් වෙතත්, බෝධිවංශයෙහි දැක්‌වෙන්නේ අභිෂේකයෙන් හත් මසකින් එය සිදු වූ බවයි. මෙම ගමන බු. ව. 236 වැන්නෙහි එනම් ලක්‌දිව තිස්‌ස රජු අභිෂේකය ලබා තුන් මසකට පසු සිදුවූ බව දීපවංසයෙහි සඳහන් ය. ලක්‌දිව රජ කළ මුටසිව රජු මහලු බැවින් තිස්‌සයන් රජ වන තුරු මෙසේ හත් මසක්‌ කල්යල් බලා ඇති බව විද්වතුන්ගේ පිළිගැනීමයි.
මිහිඳු මාහිමියන්ගේ ලංකා ගමන ගැන කරුණු දක්‌වන සියලුම පුරාතන මූලාශ්‍රයන් උන්වහන්සේ ඇතුළු පිරිස සෘද්ධි බලයෙන් අහසින් ම වැඩි බව කියා තිබේ. එහෙත් ඉතිහාසඳයෝ සාමාන්‍යයෙන් විය යුතු පරිදි උන්වහන්සේ ඇතුළු පිරිස එකල ලංකාව දක්‌වා වැටී තිබූ මාර්ගයන්ගෙන් එකක ගමන් කරමින් මෙහි වැඩම කළේ යෑයි කීමට වඩා කැමැත්තක්‌ දක්‌වති. අතිමානුෂික බලයක්‌ පිළිගැනීම නො ව ඉතිහාසඥයෙකුගේ කාර්ය වනුයේ සාමාන්‍ය ස්‌වභාවික හේතු අනුව යමක්‌ විස්‌තර කිරීමයි. ඉතිහාසඥයන් පවසන පරිදි එකල උත්තර භාරතයේ සිට ලංකාවට පැමිණි හැකි මාර්ග තුනක්‌ තිබිණි.
1. උඡ්ජයිනී සිට දකුණු දෙස මහිස්‌මතියට පැමිණ, ඉන් දකුණට ගමන් කොට නර්මදා හා තප්තී ගංඟාවන්ගෙන් එතෙර ව ගෝධාවරී නදී තීරයෙහි ප්‍රතිෂ්ඨානයට පැමිණිය හැකිය. එමස ගෝධාවරී මුවදොරින් නැව් නැඟ මුහුදු මාර්ගයෙන් ලංකාවට පැමිණීමට පුළුවන.
2. උඡ්ජයිනි සිට මහිස මණ්‌ඩලය හෙවත් මයිසෝරය හරහා කාවේරි ගඟබඩ ට පැමිණ. ඒ ඔස්‌සේ ගොඩබිම් මාර්ගයෙන් පාණ්‌ඩපයට පහළින් වූ තම්බපණ්‌නියට පැමිණීමට පුළුවන. එතනින් නැව් නැඟ මුහුදු මාර්ගයෙන් ලංකාවට පැමිණීමට පුළුවන.
3. උතුරු ඉන්දියාවේ සිට සෘජුවම මුහුදු මාර්ගයෙන් ලංකාවට පැමිණීමට පුළුවන. මගධයේ චම්පා නුවර හරහා ගංඟා නදී මුවදොර පිහිටි තාම්ප්‍රලිප්ත වරායෙන් නැව් නැඟ මෙසේ පැමිණීමට පුළුවන්කම තිබිණි. අශෝක යුගයේ වඩාත් ජනප්‍රිය ව තිබුණේ මෙම මාර්ගයයි.
ලංකාවේ වංසකථා ගැන කෘතියක්‌ රචනා කළ මහාචාර්ය බී. සී. ලෝ මෙම මාර්ගයන්ගෙන් දෙවැනි මාර්ගය ඔස්‌සේ මිහිඳු මාහිමියන් ලංකාවට වැඩමවන්න ඇතැයි සඳහන් කරයි. ලංකාවේ උගතුන් බොහෝ දෙනෙක්‌ ද මිහිඳු මාහිමියන් ගොඩබිම හරහා වැඩම කළේය යෑයිද, පාටලී පුත්‍රයෙන් පිටත්වීමේ සිට ලංකාවට පැමිණීමට හත්මසක කාලයක්‌ ගත වූයේ මේ නිසා බවද පෙන්වා දෙති. මහාචාර්ය සෙනරත් පරණවිතාන පවසන්නේ උඡ්ජයිනීට නිරතදිගින් පිහිටි භාරුකච්ඡයට පැමිණ එතනින් ලංකාව බලා නැව් නගින්නට ඇති බවයි.
අශෝක යුගය පිළිබඳ අද්විතීය පර්යේෂණයක්‌ කළ චින්සන්ට්‌ ස්‌මිත් අශෝක සෙවැල්ලිපිවල තම්බපණ්‌නි යනුවෙන් සඳහන් වන්නේ දකුණු ඉන්දියාවේ තිණ්‌නවැලි ප්‍රදේශය බව හඳුනාගෙන තිබේ. ද්‍රවිඩ දේශය වූ පාණ්‌ඩ්‍ය රටේ ලංකාවට ආසන්නව ම පිහිටි දකුණු ප්‍රදේශය ඉතා පුරාණ කාලයේ පටන් තාම්ප්‍රපර් නමින් හැඳින් වූ බව මහාභාරතය වැනි ග්‍රන්ථයන්හි සඳහන් වේ. හත්වන සියවසේ අග භාගයේ දකුණු ඉන්දියාවට පැමිණි හියුං සාං තෙරණුවෝ පඬිරට තිණ්‌නවැලි දිස්‌ත්‍රික්‌කයට යාබද මලයකුට ප්‍රදේශයෙහි සංචාරය කරමින් මිහිදු මාහිමියන් විසින් කළ විහාරයක හා ඒ අසල අශෝක රජු කළ චෛත්‍යයක නටබුන් තමන් දුටු බව වාර්තා කරති. එසේම දකුණු පාණ්‌ඩ්‍යයෙහි බුද්ධාගම පිහිටුවන ලද්දේ මිහිඳු මාහිමියන් විසින්ය. යන ජනප්‍රවාදයක්‌ ද එහි දී තමන්ට දැනගන්න ලැබුණු බව උන්වහන්සේ සිය භ්‍රමණවෘතාන්තයෙහි සඳහන් කරති.
මිහිඳු මාහිමියන් දකුණු ඉන්දියාවේ ධර්ම ප්‍රචාරයෙහි යෙදෙමින් කාවේරපට්‌ට නම් නගරයෙහි නැවතී සිටියේ යෑයිද, ඉන්ද්‍රවිහාර නමින් සිල්පදිකාරම් හා මණිමේකලෛ යන දෙමළ කාව්‍යයන්හි හඳහනන් වන්නේ මෙසේ උන්වන්සේ නැවතී සිටි විහාර යෑයි හිස්‌සැල්ලේ ධම්මරතන හිමියෝ පෙන්වා දෙති. මහේන්ද්‍රගිරි නමින් දකුණු ඉන්දියාවේ පිහිටි කඳුවැටි මිහිඳු මාහිමියන්ගේ නම හා සම්බන්ධ කොට ඇතැම් ලේඛකයන් හඳුන්වා දී ඇත. කෙසේ වුවද සම්පූර්ණ ගවේෂණයක්‌ නො කරන ලද හෙයින් වර්තමාන විශ්වාසයන්ට ඉඩදීමට සිදුව ඇති මෙවැනි ස්‌ථාන රාශියක්‌ දකුණු ඉන්දියාවේ පිහිටා තිබේ. නැගෙනහිරට සාට්‌ස්‌ කඳු පන්තියේ මදුරාසිය (තංජම් දිස්‌ත්‍රික්‌කය) අසල ශිඛරයක්‌ සහිත කොටසක්‌ මහේන්ද්‍රගිරි නමින් ප්‍රසිද්ධය තවද කොමරින් තුඩුව අසල තිණ්‌නවැලි දිස්‌ත්‍රික්‌කයට මායිම් ව පිහිටි කඳු වැටියක්‌ද මහේන්ද්‍රගිරි නමින් ප්‍රසිද්ධය.
ලංකාවේ ශාසන ප්‍රතිෂ්ඨාපන කටයුතුවලින් පසුව මිහිඳු මාහිමියන් ලාංකීය රහතන් වහන්සේලා සමඟ දකුණු ඉන්දියාවට චැඩියේ ද යන්න මෙහිලා සැලකිය යුතු යි. මිහිඳු මාහිමියන් ලංකාවේ දී කළ කටයුතු ඉක්‌මනින් අවසන් කළ බව වංසකථා වාර්තාවල සඳහන් වන්නේ උත්තිය රජුගේ අටවෙනි වර්ෂයෙහි පිරිනිවන් පෑ කියන ප්‍රවෘත්තිය පමණි. ඒ අතර කාලය තුළ මිහිඳු මාහිමියන් ගැන වාර්තා කිරීමට තරම් ඓතිහාසික සිදුවීමක්‌ නොවු නේද එසේ වූයේ නම් වංසකථාවල සඳහන් නොවූයේ මන්ද යන ගැටලු විස¹ගත යුතුව ඇත. මේ කාලය තුළ මිහිඳු මාහිමියන් හා ලාංකීය භික්‍ෂූන් දකුණු ඉන්දියාවේ ධර්ම ප්‍රචාරක කටයුතුවල නිරතවූ බවට වැදගත් සාක්‍ෂි කිහිපයක්‌ ම හමුවේ. දකුණු ඉන්දියාවේ තැනින් තැන දක්‌නට ලැබෙන බ්‍රාහ්මී සෙල්ලිපිවලින් ප්‍රබල ලෙස විශද වන කරුණක්‌ නම් ලංකාවේ බුද්ධාගම පිහිට වූ ආසන්න කාලයේම බෞද්ධ භික්‍ෂූන් මෙම ප්‍රදේශවල ද බහුල ව විසූ බවයි. මහින්දාගමනයෙන් වසර විසිපහකින් මෙපිට සිට ක්‍රමයෙන් ලියවුණු බ්‍රාහ්මී සෙල්ලිපි දහස්‌ ගණනක්‌ ලංකාවේ ඇත. ඉහත කී දකුණු ඉන්දියානු බ්‍රාහ්මී ලිපිවල ඇතැම් අක්ෂර සංකේතයන් ලංකාවේ ලේඛනයන්හි ආභාෂය ලබා ඇතැයි නිගමනය කොට තිබේ. මේ නිසා දෙරටෙහි ම ලිපි එකම සම්ප්‍රදායකට අයත් පිරිසකගේය යන මතයද ගොඩ නැගී ඇත.දකුණු ඉන්දියාවේ ද්‍රවිඩයන් ලංකාවේ සතුරන් ලෙස සැළකූ හෙයින් දකුණු ඉන්දියාවේ බෞද්ධ කටයුතු පිළිබඳ ලාංකේය භික්‌සූන් වංසකථාවල සඳහන් නො කළේ යෑයි ස්‌මිත් පවසයි. එහෙත් වංසකථා රචනා කළ යුගයේ එවැනි වාර්තා යමක්‌ ඉතිරි ව තිබුණේ නම් මිහිඳු මාහිමියන්ට
ගෞරවයක්‌ පිණිස පවතින එම සිද්ධීන් සටහන් නො කිරීමට තරම් වංසකථාකරුවෝ සාහසික නොවෙති. මිහින්තලා පව්වේ දි මිහිඳු මාහිමියන් සමඟ පිළිසඳර කථාවෙහි යෙදෙමින් තිස්‌ස රජතුමා ස්‌වාමීනි, ඔබ වහන්සේලා කුමකින් පැමිණියේ දැයි විචාළේය. එවිට මිහිඳු මාහිමියෝ "මහරජ, අපි ගොඩින් හෝ ජලයෙන් (න ථලෙන න චාරිනා) නාවෙමු යි පිළිතුරු දුන් හ. ඒ ඇසූ රජතුමා මිහිඳු මාහිමියන් ඇතුළු පිරිස සෘද්ධි බලයෙන් අහසින් පැමිණියේ යෑයි දැනගත් බව මහාවංසය පවසයි.
මිහිඳු මාහිමියන්ගේ ලංකා ගමන විස්‌තර කරන සියලුම මූලාශ්‍ර උන්වහන්සේලා සෘද්ධි බලයෙන් අහසින් වැඩි බැව් කියයි. එසේ සඳහන් කර ඇත්තේ අතිමානුෂික බලයක්‌ ආරෝපනය කිරීම සඳහා නොවේ. එසේ වූවා නම් සංඝමිත්තා රහත් තෙරණියගේ ලංකා ගමන ද සෘද්ධි බලයෙන් අහසින් සිදු වූවක්‌ බව වාර්තා කරනු ඇත. වංසකථාවල සංඝමිත්තාව නැවෙන් හා ගොඩබිම් මාර්ගයෙන් පැමිණියේ යෑයි කීම මදිකමක්‌ ලෙස එකළ නොසැළකු බව පෙනී යයි. ලංකාවට නොපැමිණි හියුං සාං තෙරණුවෝ ද දකුණු ඉන්දියාවේ මිහිඳු මාහිමියන්ගේ කටයුතු ගැන සඳහන් කරන අතරම, උන්වහන්සේ ලංකාවට අහසින් වැඩියේ යෑයි ලියා ඇත. මෙසේ ලියන්නට ඇත්තේ දකුණු ඉන්දියාවේ පැතිර තිබූ විශ්වාස හා ජනප්‍රවාද අනුව විය යුතුය.
මේ සියල්ලට ම වඩා වැදගත් වන්නේ මිහිඳු මාහිමියන් ලංකාවට සෘද්ධියෙන් වැඩියේ ය යන මෙම කරුණ පුරාවිද්‍යාත්මක සාක්ෂ්‍ය අනුව ඔප්පු වී තිබීමයි. අම්පාර රජගලතැන්න නම් ප්‍රදේශයෙන් සොයාගත් බ්‍රාහ්මී සෙල්ලිපියක මෙසේ සඳහන් වේ. යෙ ඉමා දීප පටමය ඉදිය අගතන ඉදික තෙර මහිද තෙරෙහ තුබෙ මෙම ලිපියේ සරළ අර්ථය මෙසේ යි. යමෙක්‌ මෙම දීපයට පළමු ව සෘද්ධියෙන් ආයේ ද (එම) ඉට්‌ඨිය හා මහින්ද තෙරුන්ගේ ස්‌ථූපය යි මෙම ලිපිය උන්වහන්සේලා අපවත්වීමෙන් ආසන්න කාලයක දී ලියන ලද්දකි. මෙවැනි සිදුවීමකට පුරාවිද්‍යාත්මක සාක්ෂ්‍ය ලෝකයේ කවර රටක වුවද දුර්ලභ හෙයින් මෙම ශිලා ලේඛනය අතිශයින් වැදගත්ය.
මෙම කරුණු අනුව මිහිඳු මාහිමියක්‌ ලක්‌දිවට වැඩම කළේ සෘද්ධි බලයෙන් අහසින්ය යන්න ස්‌ථීර වන්නේය.
උපුටා ගැනීමකි
Wednesday, September 18, 2013
මංගල සූත්‍රයෙන් හෙළිවන බෞද්ධ ජීවන දර්ශනය
මංගල සූත්‍රය බෞද්ධයන් අතර නිබ`ද සජ්ජායනාවට පාත්‍රවන තුන් සූත්‍රයෙහි ඇතුළත් එක්‌ සූත්‍ර දේශනාවකි. මෙලොව පරලොව හිතසුව පිණිස වන උතුම් ආර්ය මංගල කරුණු තිස්‌ අටකින් සමන්විත මංගල සූත්‍රය ත්‍රිපිටකයේ සූත්‍ර පිටකයේ ඛුද්දක නිකායෙහි ඛුද්දක පාඨ ග්‍රන්ථයෙහි ඇතුළත් වේ. මෙහි ස`දහන් මංගල කරුණු ලොකු කුඩා සෑම බෞද්ධයෙක්‌ම හො`දින් අසා දැන ඇති කරුණුය. එහෙත් මෙම කරුණු ප්‍රායෝගිකව ස්‌වකීය ජීවිතයට එක්‌කර ගත් බෞද්ධයන් අතළොස්‌සක්‌ තරම්වත් නැති තරම්ය. නිබ`ද සජ්ජායනා කළ ද, ශ්‍රවණය කළ ද බෞද්ධ ජීවන දර්ශනය කියාපාන මෙම මංගල සූත්‍රගත කරුණු නිවැරදිව හඳුනාගෙන අවබෝධ කරගත් බෞද්ධයකු සොයා ගැනීම උගහටය.
මංගල සූත්‍රය නිතර ශ්‍රවණයට සජ්ජායනාවට ලක්‌වන බැවින් එහි ස`දහන් මංගල කරුණු බෞද්ධයන් අතර ඉතා ජනප්‍රිය ව පවතී. එහෙයින් සූත්‍රගත කරුණු එකිනෙක විමසීමක්‌ මෙහි දී අපේක්‍ෂා නොකරයි. මංගල සූත්‍රයෙහි ස`දහන් කරුණු බෞද්ධයාට සාර්ථක මෙලොව ජීවිතයක්‌ ගත කිරීමට අවශ්‍ය ජීවන දර්ශනයක්‌ වන අතරම එය බෞද්ධයාගේ පරම විමුක්‌තිය වන නිර්වාණය සාක්‍ෂාත් කිරීමෙහිලා ද උපයෝගී වෙයි. මෙම ලිපියෙහි අරමුණ සූත්‍රගත කරුණු එසේ ජීවන දර්ශනයක්‌ ලෙසින් යොදාගත හැකි අයුරු අවබෝධ කර දී එම`ගින් උතුම් වූ නිර්වාණාවබෝධය වෙත බෞද්ධයා සමීප කරවීමයි.
බෞද්ධ ජීවන දර්ශනයක්‌ ලෙස සූත්‍රගත කරුණු හඳුනාගැනීමේදී ඒවා මිනිස්‌ ජීවිතයක ප්‍රධාන අවධි හතරක්‌ තුළ හඳුනාගත හැකි වෙයි. ඒවානම්,
1. ළමා අවධිය
2. තරුණ අවධිය
3. වැඩිහිටි අවධිය
4. මහලු අවධිය
ළමා අවධියේ ම සාර්ථක ජීවන දර්ශනයක්‌ ගොඩන`ගා ගැනීම ගොඩනැ`ගිල්ලක අත්තිවාරම මෙන් පුද්ගලයකුගේ සාර්ථක ජීවිතයකට සවිමත් පදනමක්‌ වෙයි. මේ නිසා සාර්ථක ජීවන දර්ශනයක්‌ ගොඩ න`ගා ගැනීම ආරම්භ කළ යුත්තේ ළමා අවධියෙනි. ළමා අවධිය හා සම්බන්ධව කතා කිරීමේදී සූත්‍රයෙහි පළමු ගාථා ත්‍රිත්වයෙහි අන්තර්ගත කරුණු පුද්ගල ජීවිතයක ළමා අවධිය තුළ ගොඩන`ගා ගත යුතු ජීවන දර්ශනය පෙන්වා දෙයි. එහිදී පළමු ගාථාවෙහි දක්‌නට ඇති බාලයන් ඇසුරු නොකිsරීම, පණ්‌ඩිතයන් ඇසුරු කිරීම, පිදිය යුත්තන් පිදීම, යන කරුණු තුන සම්බන්ධයෙන් වැඩි වගකීමක්‌ දෙමාපියන්ට පැවරෙයි. හොදම දේ දරුවාට යන්න තේමා කරගත් වත්මන් සමාජයේ දරුවාට දිය යුතු හොදම දෙය නම් මෙකී කාරණා බව මෙහිදී සිහිපත් කළ යුතු වෙයි.
ඒ අනුව කුඩා දරුවන් තුළ හොද නරක තේරුම් ගැනීමේ හැකියාව ළමා අවධියේම ඇතිකළ යුතුය. එවිට ඔහු හෝ ඇය ලොකුමහත් වුවද හොඳ නරක මනාව තේරුම් ගනිමින් යහපත් දිවියක්‌ ගත කරයි. බාලයන් ඇසුරු නොකොට පණ්‌ඩිතයන් ඇසුරු කිරීම යනු එයයි. පිදිය යුත්තන් පිදීම බෞද්ධ ජීවන දර්ශනයේ වැදගත් අංගයක්‌ වන අතරම එය පුද්ගලයකුගේ පෞරුෂ වර්ධනයෙහි ද බලපාන බව බෞද්ධ මතයයි. එබැවින් මෙකරුණ ද බෞද්ධ දෙමාපියන් විසින් දරුවකුට ළමා කාලයේදීම ලබා දිය යුතු දැනුමකි. අවබෝධයකි.
සුදුසු පෙදෙසක විසීම, පෙර පින් කර ඇති බව මෙන්ම ආත්මය නිසිලෙස පිහිටුවා ගැනීම දරුවකුට උපතින්ම හිමිවන ජන්මීය මෙන්ම කර්මානුරූපී ද කරුණු වේ. එසේ වී නමුත් යහපත් ජීවන දර්ශනයක්‌ ගොඩන`ගා ගැනීමේදී ළමා අවධිය තුළ මෙකී කාරණා අතිශය වැදගත් වේ. පන්සිය පනස්‌ ජාතකයේ එන සත්තිගුබ්බ ජාතකයේ ගිරා පැටවුන් දෙදෙනාගේ කතාව කියාපානුයේ සුදුසු පෙදෙසක විසීමේ වැදගත්කමයි. පෙර පින් කර ඇති දරුවකු මේ ආත්ම භවයේදී අයහපත් විපත් ගෙන නොදෙයි. එය සාර්ථක ජීවිතයකට Rජුවම උපකාරී කරයි. මැනවින් පිහිටුවා ගත් ආත්මයක්‌ සහිත පුද්ගලයකු ලෙස දරුවා සමාජගත කිරීමේ වගකීම පවුල වෙත පැවරෙන අතර එය ඒ දරුවාගේ ජීවන දර්ශනය ගොඩන`ගා ගැනීමෙහිලා දායක වෙයි.
බහුශ්‍රැත බව, ශිල්ප ඥානය, විනය, මනා ශික්‍ෂණය, සුභාෂිත වදන් කතා කිරීම දරුවකු ක්‍රමයෙන් වැඩෙන විට තමා තුළ ගොඩනගා ගත යුතු කරුණුය. පෙර කී දෙමාපියන් සතු වගකීම් මැනවින් ඉටුවන්නේ නම් මෙම කරුණු තම ජීවිතයට එක්‌ කර ගැනීමට දරුවකුට අපහසු නොවනු ඇත. මෙසේ ඇතිකරගන්නා ගතිගුණ හා හැකියාවන් තරුණ ජීවිතයට පා තැබීමට නිවැරදි මෙන්ම සාර්ථක අත්වැලක්‌ සපයයි.
සූත්‍ර දේශනාවෙහි මීළ`ග ගාථා ත්‍රිත්වය තරුණ අවධිය හා සම්බන්ධ වෙයි. ඒ අනුව මව්පිය උපස්‌ථානය, අඹුදරුවන් පෝෂණය කිරීම, නිරවුල් කර්මාන්තයන් හී නියෑලීම තරුණ අවධිය හා සම්බන්ධ මුල් කරුණු තුනයි. දරුවකු තරුණ වන විට දෙමව්පියන් වයසට යයි. එවිට තම දෙමාපියන් රැකබලා ගැනීම දරුවෙකුගේ යුතුකමක්‌ වන අතරම එය ජීවන දර්ශනයට එක්‌ කර ගැනීමෙන් දෙලොවටම සෙත සැලසෙයි. තරුණ වයසට පත්ව විවාහ දිවියට එළඹීමත් සම`ග අඹුදරුවන් පෝෂණය කිරීම වගකීමක්‌ බවට පත් වේ. ඒ ස`දහා අධාර්මික කර්මාන්ත නොකොට ධාර්මිකව මිල මුදල් උපයා අඹුදරුවන් පෝෂණය කිරීම බෞද්ධ ජීවන දර්ශනයේ ඉගැන්වීමයි.
එමෙන්ම දන්දීම, දැහැමිව හැසිරීම, ඥාතීන්ට සංග්‍රහ කිරීම, හැමවිටම නිවැරදි ක්‍රියාවල නියෑලීම යන ක්‍රියා තුළින් තරුණ දෙමාපියන් විසින් තම දරුවන්ට ආදර්ශයක්‌ වන පරිදි ක්‍රියා කළ යුතු වෙයි. බෞද්ධ ජීවන දර්ශනයෙහි තරුණ අවධිය ස`දහා මීළ`ගට හ`දුන්වා දී ඇත්තේ එම කරුණු හතරයි.
පාපයෙන් වෙන්වී මත්පැනින් වෙන් වී මනා සංයමයකින් යුතුව අප්‍රමාදීව ධර්මයෙහි නියෑලෙමින් තරුණ වියෙන් වැඩිහිටි වියට එළඹීම සාර්ථක බෞද්ධ ජීවන දර්ශනයක ප්‍රතිපදාව වේ. තරුණ අවධියේ ජීවන දර්ශනය සකස්‌ කර ගැනීම උදෙසා අවසාන වශයෙන් පෙන්වා දෙන්නේ එම කරුණු කිහිපයයි.
මැදිවියට එසේත් නැතිනම් වැඩිහිටි වියට පා තබන පුද්ගලයා පරිණත පුද්ගලයෙක්‌ බවට පත් වේ. සූත්‍රයේ මීළ`ග ගාථාද්වය පුද්ගලයකුගේ මැදිවිය හා සම්බන්ධය. ගෞරව සම්ප්‍රයුක්‌තවීම, විනීතවීම, ලද දෙයින් සතුටුවීම, කළ දේ දැන සිටීම, ඉවසීම, සුවච බව, ශ්‍රමණයන් දැකීම, ධර්මය ශ්‍රවණය කිරීම හා ධර්මය සාකච්ඡා කිරීම යන ගති පැවතුම්වලින් යුක්‌ත වීම මැදිවියේ බෞද්ධ ජීවන දර්ශනයේ අනිවාර්ය අංගයන් වේ.
මැදිවියට එළඹි අයකු ගෞරවය ලැබීමට සුදුසු පරිදි හැසිරීම වැදගත් වේ. ඒ ස`දහා විනීතබව අත්‍යවශ්‍ය වේ. එසේම ආශාවන් පසුපස හඹා නොයා ලද දෙයින් සතුටුවීම ජීවිතයේ අංගයක්‌ කරගත යුතුය. සෑම කටයුත්තක්‌ම සිහි නුවණින් සිදුකරමින් තමන් සිදුකළ දේ පිළිබ`ද හො`ද අවබෝධයකින් කල් ගෙවිය යුතු වේ. එම`ගින් පසුතැවෙන දේ සිදුකිරීමෙන් වැළකිය හැකිය.
තරුණ විය නිස`ගයෙන්ම ආවේගශීලීය. එහෙත් මැදිවියට එළඹෙත්ම ඉවසීම ජීවිතයට හුරු කළ යුතු වේ. සුවච බව ද එසේමය. මැදිවිය වනවිට ජීවිතය පිළිබ`ද මනා අවබෝධයක්‌ ලැබෙන බැවින් එය ධාර්මිකව අවබෝධ කර ගැනීම ස`දහා ශ්‍රමණ භික්‍ෂූන් වහන්සේලා මුණ ගැසීමත් ධර්මය ශ්‍රවණය කිරීම හා සාකච්ඡා කිsරීමත් කළ යුතු වේ. එවිට ජීවිතය පිළිබ`ද ධාර්මික අවබෝධයක්‌ ලැබෙන අතර එම අවබෝධයත් සම`ගින් සතුටින් මහලුවියට මුහුණදිය හැකි වේ.
මහලු විය බෞද්ධ ජීවන දර්ශනයේ අවසාන අංගයයි. සූත්‍ර දේශනවේ අවසන් ගාථාද්වය මෙම අවධිය හා සම්බන්ධය. ඒ අනුව ජීවිතය පිළිබ`ද මැදිවියේදී ලැබූ ධාර්මික අවබෝධය නිසා මහලු වියේදී අටලෝදහමින් කම්පා නොවේ. එසේම සිතෙහි ශෝකී බවක්‌ නැත. සිත ඇලීම්වලින් නිදහස්‌ය. එනිසාම සිත තුළ ජීවිතය පිළිබ`ද බියක්‌ නොවේ. එනම් අටලෝදහමින් කම්පා නොවීම, ශෝක නැතිබව, විරජ බව, ක්‍ෂේම බව යන ගුණාංග මහලුවිය තුළ ජීවන ප්‍රතිපදාවට එක්‌වේ.
එසේම බඹසරින් වෙන්වී බ්‍රහ්මචර්යාවෙහි නියෑලෙමින් ආර්ය සත්‍යය දැක අවබෝධයෙන් සියලු කෙලෙස්‌ නසා නිර්වාණය සාක්‍ෂාත් කිරීම මහලුවිය හා සම්බන්ධ අවසන් අංගයන් වේ. පෙරකී සියලු කරුණු සාර්ථකව ජීවිතයකට එක්‌කරගත් පුද්ගලයකුට මෙය අපහසු නොවේ.
මේ අනුව ලෞකික ජීවිතයක්‌ කෙසේ හැඩගසා ගත යුතුද යන්න පෙන්වා දෙන මංගල සූත්‍රගත කරුණු බෞද්ධ ජීවන දර්ශනයක්‌ ගොඩන`ගා ගැනීමෙහිලා වැදගත් වන බව පැහැදිලිය. මෙහිදී නිර්වාණය සාක්‍ෂාත් කළ හැක්‌කේ මේ ආකාරයෙන් පමණක් යෑයි ද ළමා, තරුණ, වැඩිහිටි අයට නිර්වාණය සාක්‍ෂාත් කළ නොහැකි යෑයිද යනුවෙන් වැරදි අවබෝධයකට එළඹිය යුතු නොවේ. මෙහි දී පෙන්වා දෙනු ලැබුවේ දෙලොව දියුණුවට උපකාරී වන මංගල කරුණු බෞද්ධ ජීවන දර්ශනය ලෙසින් යොදා ගැනීමේ වැදගත්කම හා හැකියාවයි. එම නිසා මෙලොව ජීවිතය සාර්ථක කර ගනිමින් නිර්වාණය සාක්‍ෂාත් කර ගැනීම යන ලෞකික හා ආධ්‍යාත්මික යන දෙඅංශයෙන්ම ජීවිතය සංවර්ධනය කර ගැනීම උදෙසා ජීවන ප්‍රතිපදාවක්‌ බෞද්ධ අපි නිතර අසා දැන ඇති මංගල සූත්‍ර දේශනාව ඇසුරින් ගොඩනංවා ගැනීමෙන් එය අප ජීවිතයට එක්‌ කර ගැනීම එතරම් අපහසු නොවනු ඇත.
මෙලොව සාර්ථක ලෞකික ජීවිතයක්‌ ගත කරන්නකුට නිර්වාණය සාක්‍ෂාත් කළ නොහැකි යෑයි බුදුදහම කිසිසේත් පෙන්වා දී නැත. බුදුදහම දෙලොව දියුණුව සලසන ප්‍රතිපදාවක්‌ වන්නේ එහෙයිනි. මෙහි දැක්‌වූ මංගල සූත්‍රගත ප්‍රතිපදාව ද කියාපානුයේ බුදුදහමේ ඇති එම විශිෂ්ටත්වයයි. එබැවින් ආධ්‍යාත්මික ජීවිතයක්‌ ගත කිරීමට මෙලොව ජීවිතයේ සියලු කටයුතු අවසන්ව මහලු වියට එළඹෙන තෙක්‌ බලා සිටිය යුතු නොවේ. වත්මන් බෞද්ධයන් බොහෝමයකට සිදුව ඇත්තේ එයයි. එවිට ප්‍රමාද වැඩිය. ඒ තුළ මෙහි දැක්‌වූ ගුණාංග ඇති නොවේ. මේ නිසා බෞද්ධ ජීවන දර්ශනය ඇරඹිය යුත්තේ උපතේ සිටය. කුඩා අවධියේ ඒ ස`දහා දෙමාපිය වැඩිහිටියන් උපදෙස්‌ ආදර්ශ ලබාදිය යුතුය. දැනුමින් මුහුකුරා යාමත් සම`ග අනුක්‍රමයෙන් මෙහි දැක්‌වූ කරුණු එකිනෙක සම්පූර්ණ කර ගනිමින් මෙලොව ජීවිතය සාර්ථක කර ගනිමින් නිර්වාණාවබෝධය ලැබීමට මෙම ජීවන දර්ශනය අනුගමනය කරමු.
රංග බුද්ධික කංකානන්ගේ
උපුටා ගැනීම බුදු සරණ පත්‍රය
Friday, August 23, 2013
ශිෂ්‍යත්ව කඩ ඉම පැන ගන්න සුබ නැකතින් පිටත් වෙන්න මෙන්න නැකත
ශිෂ්‍යත්ව විභාගය යනු දරුවකු පෙනී සිටින ප්‍රථම ජාතික විභාගයයි. එම විභාගයට පෙනී සිට උසස්‌ ලෙස සමත් වන දූ දරුවන්ට 6 වන ශ්‍රේණියේ සිට උසස්‌ පාසලක අධ්‍යාපනය ලැබීමේ වරම හිමිවන නිසාවෙන් පළමු වැනි වසර සඳහා එවැනි පාසලකට දරුවා ඇතුළත් කරගත නොහැකි වූ දෙමවුපියන් ශිෂ්‍යත්ව කඩඉම හරහා තම දරුවා උසස්‌ පාසලකට ඇතුළත් කරගැනීමට උනන්දු වේ.
වසර දෙක තුනක්‌ තිස්‌සේ පාසල් අධ්‍යාපනයට අමතරව නොයෙක්‌ උපකාරක පංතිවලට දරුවන් යොමුකරමින් දිවා රෑ නොබලා වෙහෙස මහන්සි වී බොහෝ කැපවීම් සිදුකරමින් තම දරුවා වෙතින් ශිෂ්‍යත්ව ජයග්‍රහණය බලාපොරොත්තු වන්නේ එමගින් හෝ දරුවා උසස්‌ පාසලකට ඇතුළත් කර තමන් ලැබූ අධ්‍යාපනයට වඩා වැඩි අධ්‍යාපනයක්‌ ලබාදී රටට වැඩදායක බුද්ධිමත් පුරවැසියකු කිරීමේ උදාර අරමුණෙහි රැඳෙමිනි.
එලෙස කටයුතු කරන දෙමාපියන් ඉතා කල්පනාකාරීව එම කටයුතු සිදුකළ යුතු අතර දරුවාගේ කුඩා මනසට ඔරොත්තු නොදෙන ආකාරයෙන් දවසේ විසිහතර පැයේම ශිෂ්‍යත්වය යන වචනය ඇසීමට සැලැස්‌වීමෙන් වැළකී බියකින් පීඩනයකින් තොරව සුපුරුදු ආකාරයට දරුවාට අධ්‍යාපන කටයුතු කරගෙන යැමට ඉඩ සලසා දෙන්න.
විභාගය යන වචනයට දරුවා බිය නොකර ඉගෙනීම් කටයුතු විනෝදාංශයක්‌යේ කරදීමට උත්සාහ දරමින් පෙර සිදුකළ පාඩම් ආශ්‍රයෙන් ප්‍රශ්නවලට නිවැරදිව පිළිතුරු සපයන ආකාරය කියාදෙමින් පෙරහුරුවක යෙදෙන්න.
ඒ අතරතුර දරුවාගේ මානසික සතුට සහනය වර්ධනය වී මතක ශක්‌තිය වර්ධනය වීම පිණිස භාවිත කළ හැකි
ජනස්‌සාරිය සංඝෝච
භූරි පඤ්ඤ විපාක දෝ
සුඛෙත්තේ රෝ පීතං
බීජං හෝති මහප්ඵලං
ඒතේන සච්ච වඡ්ඡේන
සස්‌ස සම්පත්ති වඩ්ඩතු
යන ගාථාවෙන් සෑම දිනකම උදැසන පැන් වීදුරුවක්‌ 108 වරක්‌ මතුරා හිස්‌බඩ දරුවාට එය පානය කිරීමට සලස්‌වන්න. එමගින් ශරීරයේ පවතින්නා වූ දොaෂ දුරුවී පෙර සිදුකළ අභ්‍යාස පිළිබඳ මතකය අලුත්වී අධ්‍යාපන කටයුතු ජයගැනීමට මහෝපකාරී වේ.
මීට අමතරව සෑම දිනකම උදේ සවස දරුවාද සහභාගි කරගනිමින් ආගමික වතාවත්වල යෙදෙන්න. වන්දනා මාන කිරීමෙන් අනතුරුව දෙවියන්ට පිංදී දරුවාට යම් ග්‍රහ දෝෂයක්‌ අපලකාරී තත්ත්වයක්‌ අසුබ බලපෑමක්‌ ඇත්නම් ඒ සියලු බාධක මැඬපවත්වා ගනිමින් ඉදිරිපත් වන විභාගයෙන් විශිෂ්ට ජයක්‌ ලබාදෙන මෙන් අධිෂ්ඨාන පූර්වකව ප්‍රාර්ථනා කරන්න.
මෙවර ශිෂ්‍යත්ව විභාගය පැවැත්වෙන අගෝස්‌තු 25 දා උදැසන නිවසේදී බුදුරජාණන් වහන්සේ උදසො මල් පහන් සුවඳදුම් ද පැන් සහ කිරි ආහාරද පූජාකර බුදුන් වඳින්න. එම ස්‌ථානයේම මඳක්‌ පහලින් ගණදෙවියන්ගේ හා සරස්‌වතී මෑණියන්ගේ පිංතූර තබා එම දෙවිවරුන්ට මල් සුවඳ දුම් පූජාකර ගණ දෙවියන් උදෙසා පොල් තෙල් පහනක්‌ සමඟ රතුමල් මාලයක්‌ද සරස්‌වතී මෑණියන් උදෙසා එළිඟිතෙල් පහනක්‌ සමඟ සුදුමල් මාලයක්‌ පූජාකර හැකියාවක්‌ ඇත්නම් පලතුරු පූජාවක්‌ තබා දෙවියන්ට පිං අනුමෝදන් කර දරුවා මෙතෙක්‌ කල් සිදුකළ පාඩම් ආශ්‍රයෙන් අසා ඇති ප්‍රශ්නවලට නිසි පිළිතුරු සැපයීමේ හැකියාව ලැබේවායි ප්‍රාර්ථනා කර "දිව්‍ය මූර්ති" ක්‍රමය සැලකිල්ලට ගෙන සෑම දරුවකු වෙනුවෙන්ම පොදුවේ සකස්‌කර ඇති පහත දැක්‌වෙන සුබ නැකැත්වලින් ඔබට පහසු නැකතක්‌ අනුගමනය කර දරුවා ලවා මෙම ගාථා ත්‍රිත්වය ගායනා කරවා විභාගය සඳහා පිටත් කරන්න. ඔබේ දරුවාට මෙම ගාථා කීමට අපහසුනම් මව හෝ පියා දරුවා ළඟට ගෙන මෙම ගාථාවල එන "මේ ජයමංගලානි" වෙනුවට "තේ ජයමංගලම්" ලෙස අක්‍ෂරය වෙනස්‌කොට ගායනා කරන්න.
නිවසින් පිටත්වීමට සුබ නැකැත්
අගෝස්‌තු 25 වන ඉරිදා පෙ.ව.6.10, 6.23, 6.32, 7.45, 8.02 ට දකුණු දිශාව බලා දකුණු පය පෙරට තබා පිටත් වන්න.
ගාථා ත්‍රිත්වය
නත්ථි මේ සරණං අඤaඤං
බුද්ධෝ මේ සරණං වරං
ඒතේන සච්ච වඡ්ඡේන
හෝතු මේ ජය මංගලම්
නත්ථි මේ සරණං අඤaඤං
ධම්මෝ මේ සරණං වරං
ඒතේන සච්ච වඡ්ඡේන
හෝතු මේ ජය මංගලම්
නත්ථි මේ සරණං අඤaඤං
සංඝෝ මේ සරණං වරං
ඒතේන සච්ච වඡ්ඡේන
හෝතු මේ ජය මංගලම්
Tuesday, August 20, 2013
ඉලක්‌කමෙන් ඔබේ දෛවය
ලොව ඇති සියලුම ශාස්‌ත්‍රයන් අභිබවා "අංක ශාස්‌ත්‍රය" පෙරමුණේයි. මනුෂ්‍යයාගේ ජීවිතයට මුලින්ම සම්බන්ධ වන්නේ අංක ශාස්‌ත්‍රයයි. මවු කුසින් ජන්මියා බිහිවන්නේ තිඹිරිගෙයක නොහොත් සූතිකාගාරයකදීය. එහිදී ඡන්මියාට ලැබෙනුයේ මුලින් උපන් වෙලාව, දිනය, මාසය හා අවුරුද්දයි. ඊළඟට සූතිකාගාරයකදී නම් අතේ ගැටගසන ලේබලයේ (ඔAඨ) ඇති අංකයයි. ඒ ඡන්මියා අන් ජන්මීන් අතරින් වෙන්කර හඳුනාගැනීම සඳහාය.
එතැන් සිට මනුෂ්‍යයා හා අංක අතර මුළු ජීවිත කාලය පුරාම සබඳතා පැවැත්වෙයි. මෙලෙසින් උපතේ සිට මරණය දක්‌වාම මනුෂ්‍යයා දිවි ගෙවනුයේ අංක අතරට මැදිවීමෙනි. මනුෂ්‍යයාගේ දින චර්යාව හා අංක අතර ඇත්තේ පුදුමාකාර බැඳීමකි. බස්‌ ගාස්‌තු, ලයිට්‌ බිල්, වතුර බිල්, ටෙලිෙµdaන් බිල්, පාසල් ගාස්‌තු, ගෙවල් වැනි මෙකී නොකී සියලුම බිල්වල අන්තර්ගතය තුළ ඇත්තේ අංකමය ගණනය කිරීමකි. උදේ පාන්දර අවදිවන මනුෂ්‍යයා රාත්‍රියේ නින්දට යන තුරුම ජීවත් වන්නේ අංක සමඟ බව ඉතා පැහැදිලි සත්‍යයකි.
අංකවලට පසු උපතේදී අපට ලැබෙනුයේ අප එකිනෙකාට හිමි පෞද්ගලික නාමයයි. එයද අංක හා මනාසේ බද්ධ වූවකි. ලොව මුල් යුගයේ අක්‌ෂරයන්ට අගයක්‌ දී තිබුණ බව ඉතිහාසයේ සඳහන් වේ. මනුෂ්‍යයන්ට සත්ත්වයන්ට මෙන්ම මිනිසා පරිහරණය කරනු ලබන භාණ්‌ඩ වෙනුවෙන්ද නමක්‌ සෑදී ඇත. එම භාණ්‌ඩ වලටද අංකමය අගයක්‌ දී තිබේ. නිෂ්පාදිත දිනය, කල් ඉකුත්වීමේ දිනය මගින් එම භාණ්‌ඩ හා මනුෂ්‍යයා යා කෙරෙනුයේ අංකමය ශාස්‌ත්‍රයට පින් සිදුවන්නටය. අංක නොමැති ලොවක්‌ පිළිබඳව අපට සිතාගන්නටත් බැරිය.
අංක විද්‍යාව නොහොත් භඹඵඊERධඛධඨශ ලොව ඇති පැරණිම විද්‍යාවකි. එය වසර හත්දහසකටත් වඩා පැරණිය. මා එසේ කියනුයේ අංක විද්‍යාව ජ්‍යෙdතිෂයටත් වඩා පැරණි බවට උපකල්පනය කරමිනි. අංක නොමැතිව ජ්‍යෙdතිෂය ගණනය කළ නොහැකිය. එම නිසා ජ්‍යෙතිෂයටත් වඩා අංක විද්‍යාව පැරණි බව තහවුරු වේ.
අංක ශාස්‌ත්‍රයේ නිජබිම අපගේ අසල්වැසි රට වූ "මහා භාරතයයි. හින්දු ජාතිකයන්ගේ සාම්ප්‍රදායික හා සංස්‌කෘතික ඇදහිලිවලට අනුව අංක ශාස්‌ත්‍රය ඔවුන්ට තිළිණ කරදී ඇත්තේ දෙවියන් විසින් බව කියෑවේ. ඔවුන් සතු චතූර් වේදයෙන් එක්‌ වේදයකට මෙම අංක සහ අක්ෂර විද්‍යාව අයත් වන බව ඉතිහාසයේ දැක්‌වේ.
මනුෂ්‍යයාගේ එදිනෙදා ජීවිතයට අංක තරම් සමීප තවත් දෙයක්‌ ඇත්දැයි නොදනිමි. ඒ තරමටම මනුෂ්‍යයා හා අංක අතර ඇත්තේ පුදුමාකාර වූ බැඳීමකි. භාරතීය වැසියන් තම ජීවිතයේ සියලුම කටයුතු වලදී අංක විද්‍යාව උපයෝගී කර ගැනීමට පුරුදුව සිටිති. එමෙන්ම ශ්‍රී ලංකාව තුළද මෑතක සිට අංක විද්‍යාව පිළිබඳව මහත් උනන්දුවක්‌ ඇති වෙමින් පවතී. ඒ සඳහා දායකත්වය දක්‌වන ලද මුද්‍රිත මාධ්‍යයනට ශ්‍රී ලංකා වාසි අංක විද්‍යා ලෝලීනගේ උපහාරය හිමිවනු ඇත. අප රට තුළද බොහෝ සතිපතා ප්‍රකාශයන්හි අංක විද්‍යා පලාපල දැකගත හැකිවීම මහත් භාග්‍යයකි.
අංක විද්‍යාව සරලය. ජ්‍යෙdතිෂය තරම් ගැඹුරු නැත. නමුත් සරල බව තුළ ප්‍රධාන සිද්ධාන්ත රාශියක්‌ ඇත. එම සිද්ධාන්ත ඕනෑම අයෙකුට තම ජීවිතයේ වැදගත් සිදුවීම් සඳහා යොදා ගැනීමෙන් විපුල ප්‍රතිඵල අත්කර ගත හැකිය. බටහිර ජාතිකයන් ජ්‍යෙdතිෂයට වඩා අංක විද්‍යාව අගය කරනුයේ අංක විද්‍යාවේ දැකිය හැකි පැහැදිලි සරල බව හේතු කොටගෙනය. එසේ නොමැතිව ජ්‍යෙdතිෂයට ඇති අකමැත්තක්‌ නිසා නොවේ.
මහාචාර්ය මැක්‌ස්‌ මුලර් (ඵAAඞ ඵඹඛඛෑR) ගේ නිගමනයන්ට අනුව ලොව මුල්වරට අංක උපයෝගි කරගෙන ඇත්තේ අරාබි ජාතිකයන්ය. එය නිවැරැදි නිගමනයක්‌ නොවන බව බොහෝ විද්වතුන්ගේ මතය විය. අරාබි ජාතිකයන් අංක ලබාගෙන ඇත්තේ හින්දුවරුන්ගෙන් බව පසුකාලීනව ඔප්පු වී තිබේ. අරාබි වෙළෙඳුන් විසින් හින්දුවරුනට ලැබුණු තිළිණය සොරාගෙන අරාබිකරයට ගෙන ගිය බවට භාරත ඉතිහාසයේ සටහන් පවතී.
අංක විද්‍යාව නොහොත් භඹඵඊRධඛධඨශ තම එදිනෙදා ජීවිතය හා සම්බන්ධ කර ගැනීමට හින්දුවරු ඈත අතීතයේ සිටම පුරුදුව සිටියහ. ඔවුන්ගේ අභ්‍යන්තරික ඥන ගබඩාව වන චතුර්වේදයෙන් එක්‌ වේදයකට මෙම අංක විද්‍යාව අයත් බවට ඔවුන්ගේ ප්‍රබල පිළිගැනීමක්‌ තිබේ. එනිසාම ඔවුන් අංක ශාස්‌ත්‍රයට සලකනුයේ දේවත්වයෙනි. ඔවුන්ගේ එම විශ්වාසය ඔවුන්ට යහපත උදාකරන බැවින් ඔවුන් නිරන්තරවම අංක ශාස්‌ත්‍රය හා බැඳීහිඳිමින් නිසිපල නෙළා ගනිති.
අප රටට බොහෝ යහපත් දේ ලැබුනේ භාරත මාතාවගෙනි. එය බොරුවක්‌ නොවේ. විශේෂයෙන් බුදු දහම හා බැඳුන බොහෝ සංස්‌කෘතීන් සංඝ මිත්තා තෙරණිය හා මිහිඳු මා හිමියන් සමඟ අප රටටත් ජනතාවටත් දායාද කෙරුණි. දැනුදු එම සබඳතාවන් නොබිඳී පැවතීම සතුටට කරුණකි.
මහා භාරත දේශයේ වසර දහස්‌ ගණනකට පෙර විසූ මහා සෘෂින් විසන් මිනිස්‌ වර්ගයා කාණ්‌ඩ නමයකට බෙදාවෙන්කරන ලද බව චතූර්වේදයේ දැක්‌වේ. එක්‌ එක්‌ කාණ්‌ඩය 1 සිට 9 දක්‌වා අංකනය කළ එම සෘෂීන්, එක්‌ එක්‌ අංකය ජීවය දුන් බව වැඩිදුරටත් දක්‌වා ඇත.
එක්‌ එක්‌ අංකයට අයත් මනුෂ්‍යයන්ගේ චරිත ලක්‍ෂණ, ජීවන පුවත්, රැකියා විවාහය, ප්‍රේම සබඳතාද, ජීවන ගමනේ දී මුහුණ දෙන විශේෂ අවස්‌ථා පිළිබඳව මහා සෘෂීන් අපට කියා දුන් ලොව පැරණිතම විද්‍යාව වන්නේ මෙම අංක විද්‍යාවයි. ඒ සෘෂීහු අනාගතයේදී උපත ලබන ඡන්මීන්ගේ යහපත පිණිස බොහෝ විද්‍යාවන් පත් ඉරුවල සටහන් කර තැබීමට තරම් කාරුණික වූහ. අප මුළු හදින්ම ඔවුනට කෘතඥ විය යුතුයි. පින් දිය යුතුය.
අංක විද්‍යාවේ ඉතිහාසය විමසා බැලීමේදී zපයිතගරස්‌Z යන නාමය කිසිදා අමතක කළ නොහැක. අංක සොයා ගත්තේ පයිතගරස්‌ (ඡශඔHAඨධRAS) තුමා නොවූනද, අංකයන් උපයෝගි කරගනිමින් ලොවට බොහෝ විශ්මිත දේ කරනු ලැබුවේ ඔහු විසිනි. විශේෂයෙන්ම අංක වලට ආලෝකය ලබා දෙන ලද්දේ එතුමා විසිනි. එනිසාම පයිතගරස්‌ තුමාව "අංකයන් හී පියා" යන විරුදාවලියෙන් පුදනු ලැබිණි. එය සාධාරණ වූ පුද සත්කාරයකි.
පයිතගරස්‌තුමා තරම් අංක පිළිබඳව උනන්දුවක්‌ දැක්‌වූ අන්කිසිවෙකුත් නොවීය. ඔහු තුළ වූයේ අසාමාන්‍ය දක්‍ෂතාවන්ය. ඒ බව එතුමාගේ සමකාලීනයන් ලේඛන ගතකර තිබේ. පයිතගරස්‌ තුමා සතුව පැවැති ගණිත දැනුම අසාමාන්‍ය ගැඹුරු බවකින් යුක්‌ත වූ බව කියෑවේ. එම නිසාම එතුමාගේ සමකාලීනයනට එම ගණිතමය න්‍යායන් හැදැරීමට අපහසු වූ බවත්ද ප්‍රකාශව ඇත. පයිතගරස්‌ තුමාගේ ක්‍රියාකාරකම් කෙසේ වෙතත් එතුමා උපන් දිනයවත් අනාගතය සඳහා ඉතිරි කර නැත. එසේ වූයේ එතුමාගේ සමකාලීනයන් විසින් ඔහුගේ තොරතුරු සමාජයෙන් වසන් කිරීම හේතුවෙනි. විප්ලවීය අදහස්‌ වලින් පෝෂණය ලබා සිටි පයිතගරස්‌ තුමාව ධනපති පාලක පක්‍ෂයන් ආරක්ෂා කර ගැනීම සඳහා එක ගැනීම සඳහා එසේ කරන්නට ඇතැයි අපට උපකල්පනය කළ හැකිවේ.
එදා පැවැති වැඩවසම් සමාජ ක්‍රමය තුළ, පැවැති ක්‍රමයට විරුද්ධව නව දර්ශනයක්‌ ගෙන ආ බොහෝ විද්වතුන්ට අත්වූයේ ෙ€දජනක ඉරණමකි. ඒ අනුව පයිතගරස්‌ තුමාගේ දස්‌කම් විස්‌කම් හා එතුමාගේ දර්ශනය සඟවා තැබීමට ඔහුගේ සමකාලීනයන් උත්සාහගෙන තිබීම කාලෝචිත පියවරක්‌ ලෙස අද අපට සිතීමට පුළුවන.
අංකවලට ආලෝකය ගෙන දුන් පයිතගරස්‌ තුමාගේ උත්පත්තිය සිදුව ඇත්තේ ක්‍රි. පූ. 569 දී පමණ විය හැක. එමෙන්ම එතුමාගේ මරණය ක්‍රි. පූ. 500 දී පමණ සිදුවන්නට ඇතැයි ඉතිහාසඥයන් මත පළකර ඇත. ඉහත කී කාලවකවානුව නිර්ණය කිරීමේදී එම යුගය අයත් වන්නේ ක්‍රිස්‌තෝත්පත්තියට සියවස්‌ පහකට පෙර කාලයටය.
පයිතගරස්‌ තුමාද ක්‍රිස්‌තුන් වහන්සේට පෙර එවැනිම විශේෂිත දර්ශනයක්‌ ලොවට ගෙන ආ දර්ශනවාදියකු ලෙස ඉතිහාසගතව ඇත. ලොව අන් දාර්ශනිකයන්ගේ දේශන වලට වඩා පයිතගරස්‌ තුමාගේ දේශන සුවිශේෂි බවක්‌ පළකරන ලදී. එතුමාගේ දේශනවලට වස්‌තු බීජය වන්නට ඇත්තේ අංක හා අංකයන්හි විස්‌මිත බලය වන්නට ඇතැයි අනුමාන කළ හැක.
අංක වලට ආලෝකය පමණක් ලබාදී, නොනැවතුණ පයිතගරස්‌ තුමා අංක වලට ජීවය ද එක්‌කරදෙමින් ලොවට, පයිතගරස්‌ නියමය දායාද කිරීමට මහත් කැපවීමක්‌ කළ විද්‍යාඥයකු හා පඬිවරයකු විය. එතුමාගේ පිළිගැනීමට අනුව කිසියම් අංකයක්‌ තුළත් පුද්ගලයකුගේ චරිතය, අධ්‍යාපනය, රැකියාව හා විවාහය පිළිබඳව බොහෝ දේ ප්‍රකාශ කළ හැකිවේ.
වර්තමාන අංක විද්‍යාව බිහිවූයේ අංකයන් වී ඇති ගුප්තමය ස්‌වභාවය හා එහි අන්තර්ගතය වටහා ගත් බුද්ධිමතුන් අතිනි. ඔවුන් විසින් කරන ලද විවිධ පර්යේෂණයන් හී ප්‍රතිඵලයක්‌ ලෙසිනි. අතීතයේදී සේම, වර්තමානයේදීත් සෑම සිදුවීමක්‌ තුළම අංක විද්‍යාත්මක රීතියක්‌ ගැබ්ව ඇත. ඇත්ත වශයෙන්ම එය සත්‍යයකි. කලාව සෑම සිදුවීමක්‌ පිටුපසම කිසියම් ගුප්තමය රීතියක්‌ හා අනුපිළිවෙළක්‌ ඇති අතර එය තුළ අංක විද්‍යාත්මක සබඳතාවයක්‌ද ඇත. පුද්ගලයකු පිළිබඳව පමණක් නොව, රටක්‌ පිළිබඳවද විශ්ලේෂණය කිරීමේදී අපූර්වතම ගුප්ත බලයක්‌ අංක තුළ ගොනු වී ඇති බව ස්‌ථිර වශයෙන්ම පැවැසිය හැක.
"අංක" යනු අපේ ජීවිතයයි. අංක හා අක්ෂර කවදා ලොව පහළ වී දැයි නිශ්චිතව කීමට කිසිම ජගතෙකුට නොහැකිය. එහෙත් උපතේ සිට මරණය දක්‌වා අංක සමඟ ජීවත් වන්නට නම් අපට අනිවාර්යයෙන්ම සිදු වේ. එම නිසා අප කළ යුතු වන්නේ අක්ෂර හා අංක විද්‍යාවන් අපගේ ජීවිත වලට සුදුසු පරිදි යොදා ගැනීමය. එක්‌ එක්‌ පුද්ගලයාට සීහුම් වන අංක හා අක්ෂර ප්‍රයෝජනයට ගනිමින් තම තමන්ගේ ජීවිත ආලෝකවත් කර ගැනීමය. භාරතීය වැසියන් මෙන් අපද අංක හා අක්ෂර විද්‍යාව දැනසිටීම තුළින් අපගේ ජීවිතද සමෘද්ධිමත් කර ගැනීමට හැකිවනු ඇත.
ඉතා දුර්ලභ අති ශ්‍රේෂ්ඨ සරස්‌වතී බන්ධන මන්ත්‍ර රාජයා
ඕං ශ්‍රී්‍රං ශ්‍රීං අස්‌වාහ අමරගුරු රත මයුරාසනේ බල දැරූ ශ්‍රියා කාන්තාව දෙදෙව් ලොවට අධිපති ශක්‍ර දිව්‍යරාජයින්නේ දිව්‍ය පරසතු මල් උයනේ පරසතු මල් නෙළා මල් යහනාවක්‌ කර අතුරුවා දස දහසක්‌ දිව්‍ය සළු එලා මල් මාලා පැළඳ රන් ඔත් මාලිගා සමග ශක්‍ර දිව්‍ය රාජයා අප ගෞතම බුදුරජාණන් වහන්සේට පාණ්‌ඩුකම්බල සෛලාසනේ පිදූ දාමේ දිව්‍ය දේවතාවී යහනාව පූජාකර චන්ද්‍රමණ්‌ඩලයට වැඩ සිට සුවඳ මල් විමාන දේවාල රාජභවන විහාර මාලිගා බලා වාස භවන ලත් ශ්‍රියාකාන්තාවී වා වා දේව ශ්‍රී කාලී එන් එන් මාගේ සුවඳ මල් අස්‌නට සරස්‌වතී දිව්‍ය දේවතාවී එන් එන් සුවඳ මල් පහන් කෙරේ දිෂ්ඨිලා මාගේ බන්ධනයට අසුව මම සිතූ දේ සිද්ධ කර දෙන්න මම යන ගමන දිනවා දෙන්න කුහේරපුර වෛශ්‍රවන දිව්‍ය රාජයින් අනින් බැන්දේන් ශ්‍රී ලෝකාග්‍ර මුනිවරයින් අනින් බැන්දේන් තවද වෘක්ෂ දේවාල හිමාල දොරටු අදිපති දෙවියන් අනින් බැන්දේන් රවි චන්ද්‍ර කුජ බුධ ගුරු ශුක්‍ර ශනි රාහු කෙහෙතුයි යන නව ග්‍රහ දෙවියන් අනින් බැන්දේන් ශ්‍රීකාන්තාවි පත්‍රකාලී පිය රූපි සර්වලෝක නායකකී දේව සිරි කාලි ගණදේවී සරස්‌වතී වරදේවී සිව් සැටක්‌ ශිල්ප ධාරණේ වර දේවී නමෝ නමඃ ඕං අංගුලිමාලි මහා පෝරිසාද දැහනේ ශ්‍රීං ශ්‍රීං ශ්‍රී මුඛ සලිත දේවතාවියේ මුඛය සලිතවී දිවතුලට හිතට ප්‍රාණ දිෂ්ඨි සරස්‌වතී දේවසිරි කාලිවර වර නමඃ
(මෙහි මම, මගේ යන තැත්වලට අනුන්ට කරදෙන විට ඔහුගේ නියම නමට මතුරා දෙන්න)
මෙයින් නිසිපල නෙළා ගැනීමට නම් පිරිසිදු පැන් කළයක්‌ හත් වරක්‌ පෙරා මල් අසුනක තබා, රන්තැඹිලි තෙල්, නෙලුම් රේණු, ඇට මද, අල, සුදු හඳුන්, බැමිකීරිය, ෙත්‍රෙයිලෝක්‍ය විජය පත්‍රම්, නෙලුම් පත්‍ර කබලේ රන්වන් පාටවනතෙක්‌ බැද රසදියෙන් අඹරා අව්වේ සිඳුවා තඹ, පිත්තල බඳුනක තබා එම අසුනේම තබා ඉතා පිරිසිදුව සරස්‌වති ස්‌තෝත්‍ර කියා පිංදී ඉහත මන්ත්‍රයෙන් 1008 වරක්‌ ජපකොට පැන් ටික ටික දින 21 ක්‌ උදේ හිස්‌ බඩ බොන්න. ඉන් පසු ඔබ පාඩම් කරන විට ජපකරගත් "සරස්‌වතී බන්ධන තෙල්වලින් අශ්ව මයිලක්‌ නැතහොත් නෙලුම් රේණුවක්‌ ගෙන බහා දිව ගා පාඩම් කරන්න. දේශනා අහන්න. ඔබ අදහන දේත් ඔබ පොත පතින් ලබන දැනුමත් සිත තුළට ධාරණයවී ඔබේ හිස තුළ ඇති ගබඩාවෙහි තැන්පත්වී ගුප්ත මහ වාසලක්‌ වී එයින් ඔබට අනාගත ලෝකයේ සුන්දර විමන හමු වේ·
Subscribe to:
Posts (Atom)
